12em Festîvala Fîlmên Kurdî a Londonê ku di navbera 16-27ê Nîsanê de bi awayekî online pêk hatibû, bi merasimekê xelatdayînê bi dawî bûye. "Hewno Bêreng"a derhêner Mehmet Alî Konar xelata Fîlmê Herî Serkeftî ya RojaZer bi dest xistiye.

Xelatên 12em Festîvala Fîlmên Kurdan a Londonê ku îsal ligel festîvalên din ên Kurdan bi navê "Festîvala Fîlmên Kurdî a Global" pêk hatibû, bi merasîmekê hatine belavkirin. "Hewno Bêreng"a derhêner Mehmet Alî Konar xelata Fîlmê Herî Serkeftî ya RojaZer bi dest xistiye. Xelata Baştirîn Lîstîkvana Jin jî Arina Mirzaei di rola Rozhin li fîlma Bavar / Believe de wergirtiye.

Festîvala Fîlmên Kurdî a Londonê di navbera 16-27ê Nîsanê de bi awayekî online pêk hatibû. Di festîvalê de beşek ji fîlmên kurdî yên 20 salên dawî û bi tevahî nêzîkî sed fîlm hatine nişandan.

Festîvala îsal bi hevkariya festîvalên wek  Festîvala Fîlmên Kurdî Ya Amedê (Akademîya Sînameyê ya Rojhilata Navîn ), Festîvala Fîlmên Kurdî Ya Barselonayê (Mostra De Cinema Kurd De Barcelona),Festîvala Fîlmên Kurdî Ya Hamburgê (Kurdisches Film Festival Hamburg), Festîvala Fîlmên Kurd Ya Los Angelesê, Festîvala Fîlman ya Mezopotamyayê, Festîvala Fîlmên Kurdî Ya Moskovayê, Festîvala Fîlm û Çanda Kurdî Ya New Yorkê,Bilavkarîya Fîlman Ya Rêtaw, Festîvala Fîlmên Navneteweyî ya Rojava û Festivala Filmên Navneteweyî ya Silêmaniyê li jêr navê Festîvala Fîlmên Kurdî a Global hat pêkanîn.

Fîlm û lîstikvanên xelat stendine ev in:

• ROJAZER  Xelata Baştirîn Filma Metraj Dirêj

             Hewno Bereng / Derhener Ali Konar

• Xelata Baştirîn Kurtefilma Yilmaz Guney

             THE OTHER / Derhener Ako Zandkarimi / Saman Hosseinpour

• Xelata Rûmetî ya FFKL
• The Beekeeper / Derhener Mano Khalil 
• Xelata Baştirîn Lîstîkvana Jin
• Arina Mirzaei di rola Rozhin li fîlma Bavar / Believe 
• Xelata Baştirîn Lîstîkvanê Mêr

            Fereydoon Ansari di rola fîlma The World’s Last House

• Xelata Teybet ye Jury Fîlma Bastirîn ye Animasyon

            Dreams in the Depths / Derhener Reza Mohammadi 

• Xelata Teybet ye Jury Fîlma Baştirîn Dûyemina Kurtefilma

            Quarentine / Derhener Mohammedreza Ardalan

• Xelata Baştirîn Belgefilma Mehmet Aksoy

            Holy  Bread / Rahim Zabihi

• Xelata Baştirîn Belgefîlma Kurt ye Taha Karimi

            HELL / Derhener Borhan Ahmadi

• Xelata Teybet ye Jury Belgafîlma Baştirîn Dûyemina Kurtefilma
• Xelata Fîlma Herî Baş Ya Bijareya Temaşevanan-1

            Zer / Kazim Oz

• Xelata Fîlma Herî Baş Ya Bijareya Temaşevanan-2

            Bakur / Cayan Demirel – Ertgurul Mavioglu

• Xelata Fîlma Herî Baş Ya Bijareya Temaşevanan-3

            All my Mothers / Ebrahim Saedi

• LKFF Xelata Teybet ji bo Fîlma Herî Zedê hatîye temaşekirin

            Evîn bi Rû ye Qirkirine de / Şêro Hindê

Derbarê Festîvala Fîlmên Kurdan a Londrayê de

Festîvala Fîlmên Kurdan a Londrayê di sala 2001ê de ji aliyê komek sînemagerên Kurd yên ciwan ve hatiye damezrandin.

Festîval ji aliyê xwebexşan ve tê birêvebirin û berhem tîne. Heta niha 12 festîval li dar xistine.

Çavkanî: Bianet