Sê pasdarên Îranê hatin kuştin

Sê pasdarên Îranê hatin kuştin

Parêzerên Rojhilatê Kurdistanê: Ew êriş ji aliyê me ve hatiye kirin

A+A-

Parêzerên Rojhilatê Kurdistanê: Ew êriş ji aliyê me ve hatiye kirin
Hêzeka çekdar ya nêzîkî Partiya Demokrat ya Kurdistana Îranê (PDKÎ) ragihand, hêzên wan li nav bajarê Pîranşarê sê pasdarên kurd kuştine ku yek ji wan piledar bûye.
Hêza çekdar ya bi navê “Parêzerên Rojhilatê Kurdistanê”, ku nêzîkî PDKÎ ne û wek “pêşmergeyên nav bajaran” jî tên nasîn, di daxuyaniyekê de ragihandiye, pêşmergeyên wan duhî li nav bajarê Pîranşarê êrişî otomobîleka pasdarên Îranê kirin.


Li gorî daxuyaniya wê hêza Kurdistanî, di encama wê êrişê de sê pasdar hatin kuştin û yek jî birîndar bû.
Tê gotin, tevahiya wan pasdarên ku rastî êrişê hatine, kurd in. Yek ji wan fermandeyekî pilebilind bûye û navê wî jî Hasil Ehmedî bû lê di nav xelkê de jê re digotin “Hasile Şêt” (Hasilê dîn).
Navê du pasdarên din yên ku hatine kuştin jî, Setar Pîrotî û Umîd Melazade bûye û navê ewê birîndar jî Şoriş Qadirî ye.
Li gorî agahiyan, wan pasdaran gelekî welatî aciz dikirin û zulmek mezin li xelkê dikirin. 
 
otomobîla ku di dema êrişê de pasdar tê de bûne
 

Ev nûçe 114 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin