• Diyarbakır 21 °C
  • Batman 20 °C
  • Hakkari 16 °C
  • Şırnak 20 °C
  • Ağrı 14 °C

Mistefa Begî Kurdî

Mistefa Begî Kurdî
Mistefa Begî Kurdî

 


Amadekirin û guhestin bo ser tîpên latînî: Ednan Bedreddîn

Navê wî Mistefa Beg, kurê Mehmûd Beg, kurê Ahmed Begê Sahîbqeran e. Salên jidayikbûn û mirina wî baş nayên zanîn, lê li gor hinek çavkaniyan ev hebestvanê ku bêhtir bi navê "Kurdî" tê naskirin, di sala 1809 an a zayinî de, li Slêmanî hatiye dunyayê.

"Kurdî" ji malbateka mezin a bajarê Slêmanî ye. Ew pismamê helbestavê kurd ê navdar "Salim" e.

Helbestên "Kurdî" bi zimanên Erebî û Farisî jî hene.

Nav û dengê "Kurdî" gihiştiye Îranê, û ew di dîwana paşayetiya Qacar li wî welatî, weke mamosteyê Şazadeyan erkedar bûye.

Hêjayî gotinê ye ku "Kurdî," du yan sê caran serdana Parîsê, paytexta Fransayê kiriya, û bi şêweyekî rêkûpêk ji aliyê rewşenbîrên wê ve hatiye pêşwazî kirin.

Li jêr em dê nimûneyekê ji helbestên "Kurdî" pêşkêşî xwendevanên "Rûpela Nû" bikin:

 

Çawî mestit wa diyare fitneyê berpa deka

Xanî dîn wek turkî yexmayî be naz yexma deka

Turkî dîdet bo dû qewsî hajib û tîrî mûjet

Bo giriftî dil le kakolit elem berpa deka

Çawî fettanit deka sirrî nîhanî dil eyan

Waqi'î her fîtne esrarî nîhan îfşa deka

Merdûmî çawit ke dête ser sûpahî can û dil

Wek qecer dayim be qîrqacî nîgeh de'wa deka

Çûnke hîç şahîd le nîwanman nebû rojî ezel

Eql û dînim naye mestî, êste wa haşa deka

Ger be naheq bimkujê nabê ke kes manî' bika

Hakimê kafir bê, sa elbet e'dalet wa deka

Dil delê "Kurdî" wekû min arezûyî weslî meke

Boçî to manî' debî em bende çon bêca deka

 

                    *      *      *

 

Rohî xom lêm acize dayim kewa zarî deka

Ay çi bêzare le xowî feryadî bêmarî deka

Her şewê we'deyî wîsalit bê heta roj nasrewim

Leyletûlqedre hamû kes hez be bêdarî deka

Dil le qapî to ye dayim, her kesê bê dête lay

Her xerîbê kes nenasê meylî hûşyarî deka

Çaweket bo qetlî ême hîç ke endîşeyî niye

Hakimê mest bê hemîşe meylî xeddarî deka

Risim: temsîlî ye. 

 

 

 

Ev nûçe 3548 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din