• Diyarbakır 14 °C
  • Batman 17 °C
  • Hakkari 5 °C
  • Şırnak 15 °C
  • Ağrı 8 °C

Jiyana Talebanî dibe fîlm

Jiyana Talebanî dibe fîlm
Jiyana Serokê Yekîtiya Niştimanî ya Kurdistanê (YNK) û Serokomarê berê yê Iraqê Celal Talebanî dibe fîlm.

Berpirsê Xebatên Hûnerî ya Balyozxaneya Îranê li Bexdayê Xulam Reza Xebazî serdana Wezareta Rewşenbîrî ya Herêma Kurdistanê kir û got ew dixwaze li ser jiyana Celal Talebanî fîlmekê bikêşînin.

Xulam Reza Xebazî li Hewlêrê hevdîtinek ligel Wezîrê Rewşenbîrî yê Herêma Kurdistanê Xalîd Doskî re pêk anî û diyar kir ku welatê wî dixwaze ligel Başûrê Kurdistanê pêwendiyên kulturî xurt bike.

Berdevkê Wezîrê Rewşenbîrî yê Herêma Kurdistanê Ferheng Gomeşinî ji Rûdawê re got Xebazî ragihand ew dixwaze ser jiyana Talebanî fîlmeke çêbikin û Doskî jî bersiveke erênî daye.

Ferheng Gomeşinî wiha got: “Wezîr Doskî got ewê di aliyê teknîkî ve alîkariya wan bike.”

Gomeşinî da zanîn ku dema destûr ji Mam Celal, rêveberiya YNK û malbata Talebanî hat wergertin xebatên çêkirina fîlmê des pê bike.

Ev nûçe 1830 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din