Hejmara giştî gihîşt 40 hezaran: 26 mirin û 605 pêketiyên nû
Wezareta Tendirustiya Herêma Kurdistanê ragihand, di nav 24 demjimêrên borî de, 605 kesên din bi vîrusa koronayê ketine û 26 kesan jî ji ber wê nexweşiyê can dane.
Wezareta Tendirustiya Herêma Kurdistanê, da zanîn ku di 24 saetên borî de 4,987 pişkinîn hatine kirin û ji wan 605 kes pozîtîf derketine.
605 pêketiyên nû 254 kes li Hewlêrê, 107 kes li Silêmaniyê, 26 kes li Germiyanê, 190 kes li Duhokê û 28 kes jî li Helebceyê ne.
Herwiha 26 kesên di nav 24 saetên borî de jiyana xwe ji dest dane ku 8 kes li Hewlêrê, 9 kes li Silêmanî, kesek li Germiyanê, 7 kes li Duhokê û kesek li Helebceyê ye.
Li gorî daxuyaniyê 471 kes baş bûne ku ew jî 192 kes li Hewlêrê, 26 kes li Silêmaniyê, 39 kes li Germiyanê, 189 kes li Duhokê û 25 kes jî li Duhokê ne.
Tevî van amaran heta niha li Herêma Kurdistanê 39 hezar û 946 kes bi vîrusa koronayê ketine, 25 hezar û 263 kes baş bûne û hezar û 472 kesan jî jiyana xwe ji dest daye.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin