Hêzên Sûriyeya Demokratîk (HSD) û Netewên Yekgirtî di 29ê Hezîrana 2019an de li Cenêvê peymanek îmze kir. Li gor rêkeftinê, HSD nikare zarokên di bin 18 salî re têxe nava şer û çekan têxe deste wan.

Li gor Hevserokê Meclîsa Rêveber a Rêveberiya Xweser Ebid Hamid El-Mehbaş diyar kir, HSD û Rêveberiya Xweser ji bo pêkanîna bendên wê peymanê, di dema dawî de 30 kur û 51 keçik ji nava rêzên HSDê derxistin û vegerandin malên wan.

Di roja 29 Tebaxa borî de, Rêveberiya Xweser û HSD di daxuyaniyeke hevbeş de ragihandibû, wan mekanîzmak daniye, ji bo welatî, malbat û alî û rêxistinên mirovî bikarin giliyê li dijî her proseyeke biçekkirina zarokan ji aliyê HSDê û hêzên di nava wê de bikin.

El-Mehbaş diyar kir jî, wan 9 nivîsgehên parastina zarokan vekirin, ji bo giliyên malbatên zarokan û rêxistinên fermî tomar bikin. Herwiha ew gilî jî dê ji HSDê re bêne şandin, ji bo lêkolînê li ser bike û çareser bike.