Şandeya WHO Serdana Enstîtuya Vîrolojî ya Wuhanê Dike

Şandeya WHO Serdana Enstîtuya Vîrolojî ya Wuhanê Dike

.

A+A-

Şandeya Rêxistina Saxlemî ya Cîhanê (WHO) ya çûbû Çînê serdana Enstîtuya Vîrolojî ya Wuhanê, ku li gor hin îdiayan cîhê destpêka vîrusa korona ye, kir.

Endamê şandeya WHO Peter Dazsak berî bikeve hindurê laboratuvarê ji rojnamevanan re got ku ew hêvî dikin ku hemî pirsên ku ew meraq dikin werin bersivandin û ‘’rojeke kêrhatî’’ be.

Vîrusa korona di dawîya sala 2019’an re cara pêşî li Wuhan ya Hubei hatibû tespît kirin.

Li gor hin teorîyên hîn bi delîlan nehatine piştrast kirin, vîrusa korona di testên laboratuvarê de bi şaşî belav bûye.

Agahîyên Zanîngeha Johns Hopkinsê raber dikin ku li seranserê cîhanê heta niha bi qasî 104 mîlyon kes bi vîrusa korona ketine û 2,253,684 kes bi wê mirine.

Ev nûçe 477 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin