Di roja 11ê Tîrmeha 2026 de, Kombûna Zanyarên Azad li Düsseldorfê êvarek  awazê  ya bi navê "Şevbêrkeka Hunerî" li dar xist. 
Ev çalakî bi dengbêjî û awaza kurdî ya hunermend zanyar:  Hisên Bilal hat xemilandin 

Rêvebirina civînê ji aliyê nivîskar Rêbar Habûn ve , rêvebirê Destpêşxeriya Kombûna Zanyarên Azad, ve hat kirin. 
Wî bi gotineke pêşwaziyê armanca vê şevê rave kir û bal kişand li ser girîngiya huner û muzîkê di parastin, zindîkirin û veguhastina çanda kurdî de, bi taybetî di nav civaka kurdan a li welatên derveyî de.

Di vê şevê de gelek çalakvan, nivîskar, ronakbîr û hezkirên hunerê beşdar bûn. Atmosfera civînê bi hevaltiyê, rêzgirtinê û kêfxweşiyê tijî bû.
 Hunermend Hisên Bilal bi stran û lêxistina sazê xwe, beşdaran birin nav cîhana hest, bîranîn û çanda kurdî.

Di dawiya bernameyê de gelek beşdaran ramanên xwe anîn ziman. 
Wan diyar kir ku civînên bi vî rengî pir pêwîst in , ji ber ku awaz û hunera kurdî dikarin dilan nêzîk bikin, dûrahiyê kêm bikin û pêwendiyên di nav kurdên li derveyî welat de bihêztir bikin. Her wiha hat gotin ku ev şev hêvî, yekbûn û girêdana bi nasnameya kurdî zindîtir dike.

Ev şeva hunerî bi awayekî serkeftî bi dawî bû û dîsa nîşan da ku huner ne tenê çavkaniya kêfxweşiyê ye, lê her weha hêzeke girîng e ji bo parastina ziman, çand û yekîtîya civakê. Beşdaran daxwaz kirin ku ev cure çalakî bi berdewamî bên lidarxistin, da ku civaka kurdî ya li derveyî welat bêtir li hev were û çand û hunera xwe ji nifşekê bo nifşekî din biparêze.