PAK: Armancê Dewleta Tirkîya dagirkerî û jenosîd o

PAK: Armancê Dewleta Tirkîya dagirkerî û jenosîd o

Partîya Azadîya Kurdistanî (PAK) vera hêrişê Rojavayê Kurdistanî beyanatêk da.

A+A-

Merkezê Xeberan

 

Beyanatê Partîya Azadîya Kurdistanî (PAK) cêr de yo:

 

Dewleta Tirkîya bi namê ‘Hênîyê Aşitîye’ dest ci kerda ke Rojavayê Kurdistanî rê hêriş bika Armancê Dewleta Tirkîya dagirkerî , qetlîam, bedilnayîşê demografî yo, perçekerdişê erdê Rojavayê Kurdistanî û jenosîd o. 

 

No herîş, seba sibarojê şarê ma û welatê ma  talûkeyêko pîl o. 

 

Ma nê hêrişî qebûl nêkenê û şermezar kenî. 

 

Gere vera hêrîşê Dewleta Tirkîya, TEVDEM, PYD,  ENKS û heme hetê sîyasî yê Rojavayê Kurdistanî cade bêrê têhet û hişmendîya Mitabaqatê Hewlêr û Dihokî ser o sîyaset û rayêko hempar tesbît bikê. Gama yewine na ya. Seba pawitiş û sibarojê şarê ma û welatê ma gama ewilî na ya.

 

 

Ma venga  UN, Yewîya Ewrûpa, Amerîka, Rûsya û heme dewletanê dinya danê ke wa nê hêrişanê Dewleta Tirkîya vindarnê. Wa dinya nêbo şirîkê nê hêrîşê Tirkîya ke wazena Kurdan rê jenosîd bika. 

 

Heme partîyê Kurd û Kurdistanî ê her çar parçeyanê Kurdistanî gerek vera nê hêrişê kovane de helwestêka ortaxe nîşan bidî û hêriş vindarnê. Roj roja yewîtîya netewî û welatperwerî ya. 

 

Gere dewleta Tirkîya zî baş bizana ke bi kiştiş û dagir kerdiş û jenosîdan şarê Kurd dewaya xo ya azadîya Kurdistanî ra nêvîyareno. Ganî cade no hêriş bêro vindarnayen. 

 

10.10.2019 

 

Buroya Çapemenî û Têkilîye Ya PAKî

 

 

Ev nûçe 0 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin