Buroya Çapemenî  ya Partîya Welatparêzanê Kurdîstanî (PWK):

Semedê piştişê birînanê Êzdîyan lazimtîya bernameyêko taybet esto

Ewro serrgera hêrîşê DAIŞî ya yewendisine ya kov û terorîst a vera Şingalî ser o û derdorê ci û komkiştişê Kurdanê Êzdî ke hetê na rêxistine ra ame kerdiş a.

Roja 3ê Tebaxa 2014î de, terorîstanê rêxistina DAIŞî eştbî Şingal ser û hezaran welatiyê sivîlî ê Kurdê Êzdî kiştbî. Terorîstan hezaran kêna, cinî û domanê Êzdî zî êsîr girewtbî.

Rîyê nê hêrişî ra seyan hezar şarê ma yo Êzdî mecbûr mend ke ca û wareyê xo caverdo û koç biko.

Birîna jenosîdê Şingalî yo ke waye û birayanê ma yê Kurdanê Êzdîyan rê virazîya akerde, birînêka xorîn û zerrîya heme Kurd û Kurdistanîyan de ya.

Heta nika zî xeylê kêna û cinîyê Kurdê Êzdî destê DAIŞî de yê û vindîbîyayî yê.

Heta nika zî gelek şarê ma yo ke mecbûr mendo Şingal terk biko, peyser anêgêrayo erdê xo ser.

Parlamento û Hukmatê Herêma Kurdistanî gere seba piştişê birîna waye û birayanê ma yê Kurdanê Êzdîyan programêko taybet hadre biko û bîyaro ca.

Ma bangî Netewê Yewbîyayî rê kerdo û waşto wa jenosîdê Kurdanê Êzdîyan bi fermî hetê Netewê yewbîyayî ra bêro ro qebûlkerdiş.

Ma sergêra jenosîdê Şingalî yê yewendesine de reyna jenosîdo ke Kurdanê Êzdîyan rê virazîyabi şermezar kenê û ma heme şehîdanê nê jenosîdî bi hurmet yad kenê.

03.08.2025

Buroya Çapemenî  ya Partîya Welatparêzanê Kurdîstanî (PWK)