Li Kabîlê êrişî navenda perwerdehiyê kirine: 19 kes mirine

Li Kabîlê êrişî navenda perwerdehiyê kirine: 19 kes mirine

.

A+A-

Li gorî zanyariyên destpêkê, îro (30ê Îlonê) li Kabîlê, paytexta Afganîstan di encama êrişa bombeyî ya li ser navendeke perwerdeyê de 19 kes mirine.

Midûriyeta Polîsan a Kabîlê yê rêvebiriya Talîbanê Xalîd Zadran daxuyanî daye çapemeniyê diyar kiriye ku êrîş li Navenda Perwerdeyê ya Kac ku li rojavayê Kabîlê ye hatiye kirin.

Zadran anîye ziman ku di êrîşê de li gorî daneyên destpêkê 19 kes mirine û 27 kes jî birîndar bûne.

Li gor nûçeya The Guardianê hêzên ewlehiyê yên ku piştî teqînê çûne cihê bûyerê dest bi lêkolînê kirine.

Berdevkê Wezareta Karên Hundir Ebdul Nafî Takor li ser hesabê xwe yê Twitterê gotiye: "Armanckirina sivîlan zilma nemirovane û nebûna pîvanên exlaqî yên dijmin îspat dike."

Berdevkê Polêsan Zadran diyar kiriye ku êrîş li navenda perwerdeyê di dema ezmûnê de hatiye kirin. Her weha şahidan diyar kirine ku êrîşeke xwekujî bûye, heta niha ti kesî berpirsyariya êrîşê negirtiye ser xwe

Ev nûçe 117 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin