Ji Mezlûm Ebdî daxuyaniya Yekrêziya Kurdî: Li ser pîvana niştîmanî...

Ji Mezlûm Ebdî daxuyaniya Yekrêziya Kurdî: Li ser pîvana niştîmanî...

Fermandarê Giştî yê Hêzên Sûriyeya Demokratîk (HSD) radigihîne, partiyên Pêşverû û Yekîtî (El Wehde) ji diyaloga yekrêziya kurdî nehatine dûrxistin.

A+A-

Demek e li ser destpêşxeriya Fermandarê HSDê Mezlûm Ebdî û bi serperiştiya Amerîka û piştevaniya Herêma Kurdistanê diyaloga yekrêziya kurdî di navbera Encûmena Niştimanî ya Kurdî li Sûriyê (ENKS) û Partiyên Yekîtiya Niştimanî ya Kurdî (PYNK) de birêve diçe. Partiya Demokrat a Pêşverû ya Kurd li Sûriyê û Partiya Yekîtî ya Demokrat a Kurd li Sûriyê (EL Wehde) di wê diyalogê de ne beşdar in.

Di wê derbarê de Fermandarê Giştî yê HSDê Mezlûm Ebdî îro di tiwttekê de ragihand: “Insiyatîfa me ya Yekrêziya Kurdî li gorî pîvana xwe ya niştimanî berdewam e. Armanca me ev e ku gav bi gav hemû partiyan tevlî pêvajoya nû bikin.”

Mezlûm Ebdê tekez kir jî: “Partiyên wekî Pêşverû û Yekîtî (El-Wehdê) nehatine bidûrxistin. Agahiyên derbarê vê yekê de ne di cihê xwe de ne.”

Ev di demekê de ye, duhî Endamê Polîtburoya PDK-Sê Neşet Zaza ji K24ê re ragihand, qonaxa duyem a danûstandinan ber bi dawiyê ve diçe û lihevkirineke baş di pirsa Lêvegera Siyasî de heye.

Zaza aşkere kir jî, di demeke nêzîk de Nûnerê Amerîka yê Taybet bo Karûbarên Sûriyê James Jeffrey sardana Rojavayê Kurdistanê dike û Lêvegera Siyasî dê were ragihandin.

 

 

Ev nûçe 183 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin