Ji ber şerê PKK û artêşa Tirkiyê 800 gundên Herêma Kurdistanê vala bûne

Ji ber şerê PKK û artêşa Tirkiyê 800 gundên Herêma Kurdistanê vala bûne

.

A+A-

Di 8 mehan de, 165 êrîşên asmanî, 274 guletop, 6 êrîşên serzemîn hatine kirin 

Ji ber şer û pevçûnên artêşa Tirkiyê û PKKê ve li navçeyên sînorî yên Herêma Kurdistanê, zêdetir ji 800 gundan vala bûne û bê xizmet mane.

Rêkxerê Raspardeyên Navdewletî di Hikûmeta Herêma Kurdistanê de Dîndar Zêbarî di daxuyaniyekê de ragihand, şer û pêvçûnên di navbera PKK û artêşa Tirkiya de li sînorê Başûrê Kurdistanê, bûye sedema koçberbûna bi sedan welatiyan û ziyan gihîştiye can, mal û milkên wan.

Aşkere kir jî, ji destpêka îsal û heta meha Tebaxê ve, 165 êrîşên asmanî, 274 guletop, 6 êrîşên serzemîn hatine kirin, di encamê de zêdetir ji 800 gund vala bûne û bê xizmet mane.

Dîndar Zêbarî destnîşan kir, ti aliyekî niştimanî yan navdewletî destpêşxer nebûne ji bo gihîştina bi encamekê, ji bo qerebûkirina wan welatiyên ku mal û milkên wan wêran bûne.

Rêkxerê Raspardeyên Navdewletî di Hikûmeta Herêma Kurdistanê de daxwaz kir jî, şer û aloziyên li navçeyên sînorî bi dawî bibin.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin