Almanyayê cezayek giran li bankayeke Tirkiyê birî

Almanyayê cezayek giran li bankayeke Tirkiyê birî

.

A+A-

Lijneya Kontrolê ya Bankayan a Almanyayê (BaFin), ji Banka Zîraatê ya Tirkiyê ya li wî welatî re cezayekî mezin a pereyan birî, lê nehate eşkerekirin ku reqem çiqas e.

Lijneya Kontrolê ya Bankayan a Almanyayê, di encama lêkolîna xwe ya li ser karên darayî yên 7 şaxên Banka Zîraatê ku bankeke hikumî ya Tirkiyêye gelek şaşitî tespît kirin.

Di lêkolînên BaFinê de hat tespîtkirin ku Bankaya Zîraatê, bêyî rêziknameyên yasayî bi cîh bîne bi sedan milyon euro kredî dane û guman di wan pereyên ku bo bankeyê hatine razandin hene.

BaFinê bêyî ku navê bankayê eşkere bike li ser mijarê daxuyaniyek belav kir. Li gor cezayên hatine sepandin şaxên Bankaya Zîraatê yên li Almanya êdî nikarin krediyên ku reqema wan bilind e bidin û komkirina pereyên zêde û dana sûdê ya bi rêjeye bilind jî hat qedexekirin.

BaFinê herwiha tayînkirina 4 rêvebirên giştî ji bo şaxên Almanyayê ji aliyê Tirkiyê ve red kir û biryar da ku banka di karûbarên xwe de zêdetir çavkaniyên xwe bi kar bîne. Li gor BaFinê di pereyên bi rêya wê bankayê bo Tirkiyê hatine veguhestin de guman hene.

Bankaya Zîraatê bankaya herî mezin a Tirkiyê ye û li Almanya 7 şax û 114 xebatkarên wê hene. Banke li Almanya bi 250 milyon euro sermaye kar dike.

Ev nûçe 284 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin