Saziya Îstatîstîkên Tirkiyê (TUÎK) ragihand ku li Tirkiyê rêjeya bêkariyê di meha hezîranê de li gor heman meha par ji sedî 0,4 zêde bû û gihişte ji sedî 13,4ê. Herwiha li gor amarana di heman heyamê de ji hejmara bêkaran 152 hezar kêm bûye.

Li gor danêyş TUÎKê, li Tirkiye û Bakurê Kurdistanê di nav kesên ji 15 salî mezintir de hejmara bêkaran di hezîranê de 152 hezar kêm û bo 4 milyon û 101 kesan daket. Di heman heyamê de rêjeya bêkariyê ji sedî 0,4 zêde bû gihişte ji sedî 13,4ê.

Rêjeya bêkariya ji bilî cotkariyê jî ji sedî 0,6 zêde bû û derkete ji sedî 15,9ê.

Rêjeya bêkariyê di hezîranê de li gor meha beriya wê ji sedî 0,5 zêde bû. Di vê mehê de di nav 15-24 saliyan de rêjeya bêkariyê ji sedî 1,3 zêde bû û gihişt ji sedî 26,1. Rêjeya bêkariyê ya di nav 15-64 saliyan de jî ji sedî 0,4 zêde bû û bû ji sedî 13,7.