Li gor amarên Komeleya Mafên Mirov a Tirkiyê, di zîndanên Tirkiyê de hezar û 605 girtiyên nexweş hene ku rewşa tendirûstî ya 604 kesan ji wan gelekî xirab e.

Li gor heman çavkaniyê, sala derbasbûyî di zîndanên cuda yên Tirkiyê de 50 girtiyan ji ber nexweşî û wernegirtina çareseriya pêwîst canê xwe ji dest dane û di 9 mehên îsal de jî 38 girtiyan cane xwe ji dest dane ku 20 ji wan nexweş bûn.

Komeleya Mafên Mirov a Tirkiyê dibêje, 4 ji wan girtiyan li Girtîgeha Girtî ya Patnosa Bakurê Kurdistanê canê xwe ji dest dane. Yek ji wan girtiyên hefteya derbasbûyî di wê girtîgehê de ji ber nexweşiyê canê xwe ji dest daye Takiyettin Ozkahraman ê 75 salî bû ku mamostayê xanenişîn bû, ligel Ali Boçnak 76 salî ku ji ber xwendina Mewlûdê bi zimanê Kurdî hatibû girtin.

Yek ji wan girtiyên rewşa wî ya tendirûstî ku gelekî xirab e Mehmet Emin Ozkanê 82 salî ye ku di Zîndana Amedê de ye û daxwaza azadkirina wî tê kirin.