• Diyarbakır 15 °C
  • Batman 15 °C
  • Hakkari 11 °C
  • Şırnak 14 °C
  • Ağrı 10 °C

Şanoya 'Bêrû' li Moskovê xelata 'baştirîn lîstika biyanî' wergirt

Şanoya 'Bêrû' li Moskovê xelata 'baştirîn lîstika biyanî' wergirt
Lîstika şanoyê ya koma Teatra Jiyana Nû; ‘Bêrû’ li paytexta Rûsyayê Moskovê di 17’emîn Mîhrîcana Navneteweyî ya Şanoyê de di kategoriya lîstikên biyanî de xelata Grand-Prîx ango ‘Xelata Mezin’ wergirt.

Lîstika şanoyê ya koma Teatra Jiyana Nû;Bêrû’ li paytexta Rûsyayê Moskovê di 17’emîn Mîhrîcana Navneteweyî ya Şanoyê de di kategoriya lîstikên biyanî de xelata Grand-Prîx ango ‘Xelata Mezin’ wergirt.

 

bêrû-3.jpg

 

Li gor nûçeya Çetin Altunî ya di e-rojnameyê de; her sal di mehên adar û nîsanê de ji aliyê Navenda Bernameyên Çandî ya Bajarê Moskovê Mîhrîcana Şanoyê ya Navneteweyî tê lidarxistin. Li gelek welatên cîhanê komên şanoyê ji bo vê mîhrîcanê tên vexwendin. Komên şanoyê yên Fransa, Ukrayna, Tirkiye, Ermenistan, Gurcistan, Lîtvanya, Polonya, Îsraîl, Yewnenistan û gelek welatên din tên vexwendin. Ji bo mîhrîcana îsal 42 komên şano hatin vexwendin.

Ji bo hemû lîstikan jurî tên diyarkirin û piştî ku lîstika şanoyê tê lîstin jurî dicive û lîstikê dinirxîne û piştre qirarên xwe ji juriya giştî re dişînin. Her wiha juriya giştî jî têkildarî lîstikên hatine lîstin û nirxandinên juriyan lîstika herî serkeftî diyar dike.

Juriya mîhrîcanê ji gelên cuda pêk tên. Lê ger jurî ji kîjan gelî be nikare bibe juriya lîstika şanoyê ya wî gelî. Mînak Şaliko Bêkes di juriyê de cih digire lê dema lîstikeke kurdî dinirxînin nabe juriya wê lîstikê. Yan jî cihûyek jurî be nabe juriya lîstika cihûyan. Juriya giştî her sal ji bo lîstika herî baş ‘Xelata Mezin’ diyar dike.

bêrû.jpg

Îsal lîstika ‘Bêrû’ ya koma şanoyê ya Teatra Jiyana Nû ji bo mîhrîcanê hat vexwendin. Bêrû’ di 7’ê nîsanê de li Mala Hunerê ya Lunaçerskiyê hate lîstin û juriyê îsal di kategoriya lîstikên biyanî de ‘Xelata Mezin’ da lîstika ‘Bêrû’. Lîstika ‘Bêrû’ li gelek bajarên Kurdistan û Tirkiyeyê derket pêşberî şanohezan û gelekî hat ecibandin.

Ev nûçe 3199 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din