Mesrûr Barzanî bi Serokomarê Iraqê re dicive

Mesrûr Barzanî bi Serokomarê Iraqê re dicive

Şanda Hikûmeta Herêma Kurdistanê bi serokatiya Serokwezîr Mesrûr Barzanî gihîşt Bexdayê û li Koşka Selam ji aliyê Serokomarê Iraqê Berhem Salih pêşwazî lê hate kirin.

A+A-

Şanda Hikûmeta Herêma Kurdistanê bi serokatiya Serokwezîr Mesrûr Barzanî gihîşt Bexdayê û li Koşka Selam ji aliyê Serokomarê Iraqê Berhem Salih pêşwazî lê hate kirin.


Li gor zanyariyên şanderê K24, şand bi serokatîya Serokwezîrê Herêma Kurdistanê Mesrûr Barzanî dibe û her ye ji Cîgirê Serokê hikumetê Qubad Talebanî, Wezîrê Dadê Ferset Ehmed, Wezîrê Navxwe Rêber Ehmed, Wezîrê Pêşmerge Şoreş Îsmaîl, Wezîrê Darayî û Aboriyê Awat Şêx Cenab, Serokê Dîwana Serokatiya Herêma Kurdistanê Fewzî Herîrî endêmên şandê ne.


Derbarê karnema û civînên şandê, şanderê K24ê got: Ew şand destpêkê serdan Serokomarê Iraqê Berhem Salih dike, piştre bi Serokwezîrê Iraqê Adil Ebdilmehdî û paşê Serokê Parlemana Iraqê Mehemed Helbûsî re dicive.
Piştî yekemîn civîna fermî ya Kabîneya Nehem a Hikûmeta Herêma Kurdistanê ku duhî 15ê Tîrmehê 2019an hat kirin, di daxuyaniyekê de amaje bi wê kir, şandeke Hikûmeta Herêma Kurdistanê bi mebesta nîşandan û derbirîna nîyazpakiya Herêma Kurdistanê, bo çareserkirina pirsgirêkên di navbera Hewlêr û Bexdayê de di çarçova destûrê de serdan Bexdayê dike.
 
 

Ev nûçe 81 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin