Jan Dost li Stockholmê romana xwe ya nû nasand

Jan Dost li Stockholmê romana xwe ya nû nasand

.

A+A-

Hejmareke berçav ji nivîskar û wêjevanên Kurd beşdarî semînera Jan Dost bûn û bi pirsyarên xwe semîner dewlemendtir kirin û behsa romanê kirin. 

Nivîskarê Kurd Jan Dost li Stokholma paytexta Swêdê romana xwe ya nû ya bi navê Destxeta Petersburgê nasand.

Hejmareke berçav ji nivîskar û wêjevanên Kurd beşdarî semînera Jan Dost bûn û bi pirsyarên xwe semîner dewlemendtir kirin û behsa romanê kirin.

Jan Dost ji K24ê re li ser romana xwe ya nû axivî û diyar kir: “Peyama romanê ew e ku xwînerên Kurd, bi taybetî yên vî zemanî, rewşenbîrên Kurd, li destxetên xwe xwedî derkevin. Beşek ji nasnameya Kurdî, beşek ji dîroka Kurdî belav e di pirtûkxaneyên cîhanê de, ev nasnameya me çawa em ê bi dest bixin, divê xort û keçên Kurd bi pey bikevin.”

Nivîskar Rohat Alakom jî li ser semînerê ji K24ê re destnîşan kir: “Mirov dikare bibêje di derbarê romannivîsînê de, derbarê berhemên romanê de, agahiyên biçûk jî hene. Tiştên wiha gelek baş in di navbera nivîskarên Kurd de, di navbera gel û nivîskaran de, bi vî awayî hişmendiya netewî jî pêşve diçe, hestên netewî pêşve diçe, mirov nivîskarên xwe nas dikin.”

Ji bo dewlemendkirina roman û pirtûkan, divê reklam jê re were kirin û rexnegir behsa romanê bikin, da ku di warê romanê de xwendevan zêde bibin.

Nivîskar Zinarê Xamo li ser vê mijarê diyar kir: “Divê rexnegirên Kurd hebin, bi Soranî, bi Kurmancî, bi Zazakî, bi Hewramî binivîsin û bidin naskirin, ji bo ku însan teşwîq bibin û bixwînin.”

Jan Dost ku xwedî çendîn roman û xebatên wêjeyî ye, bi mebesta nasandina romana xwe ya dawî, li ser vexwendina Pirtûkxaneya Kurdî ya li Stockholmê, ev semîner li dar xist.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin