Festîvala Huner û Çanda Kurdî li Berlinê birêve diçe

Festîvala Huner û Çanda Kurdî li Berlinê birêve diçe

.

A+A-

Dûrî partiyan, dûrî siyaset û qirecira hizbîtiyê hejmarek kesayetî û ronakbîrên Kurd li Almanya bajarê Berlînê, festîvaleke mezin a çand û hunera Kurdî çêkirin. Di wê festîvalê de hejmareke mezin ji nivîskar û hunermendan beşar bûn û semîner û konsêrt hatine pêşkêşkirin.

Bi dirêjiya 4 rojan “Festîvala Huner û Çanda Kurdî li Berlînê” birêve diçe. Festîval ji 26 vê meha Gulanê destpê kiriye û biryar e heta 29ê Gulanê berdewam dibe.  Tê de çalakî û civatên wêjeyî, hunerî, konsêrt û semînar têne lidarxistin û pêşkêşêkirin.

Hevdem pêşangeh û bazarên taybet bi berhemên hunerî û wêjeyî û cilûberg û xwarinên Kurdî hene.

Berhemên Kurdî jî li wê derê têne firotin, weke mînak: Mey, amûr, cilûbergên kultûrî, aksiswar û alên Kurdî…

Goşeyek ji bo muzîka rojhilatî û amêrên muzîkê jî hatiye vekirin.

Di çarçoveya festîvalê de jî, rêznameyek ji bo herdu hunermendên Rojavayê Kurdistanê Mehmûd Ezîz û Mihemed Elî Şakir hatiye şandin.

Bi beşdarbûna 50 mêvanî, ji hunermend, nivîskar û rewşenbîran, hejmarek ji çalakiyan têne nîşandan.

Dahêner di warên çîrok, roman, mûzîk, stran, şêwekarî, karîkatûr, rojnamevanî, sînema û zimanê Kurdî de, beşdar in.

Sala 2022yan hejmarek ji keç û xortên Kurd ên Rojavayê Kurdistanê helkeftek bi navnîşana “Rojên Huner û Çanda Kurdî Li Berlînê” lidar xist.

Lê li gorî daxuyaniyeke wan, piştî ku wê çalakiyê serkeftin bidest anî, êdî wan ew kire festîvaleke salane bi navnîşana “Fesîvala Huner û Çanda Kurdî li Berlînê”.

Hilibjartina Berlînê jî ji bo wê yekê ye ku, ew bajar yek ji paytextên hemerengiyê ye ji bo çand û hunerên cuda, li ser asta Ewropa û cîhanê jî.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin