Merkezê Xeberan- Ewro 22 Çeleyê 2020î yo. 74 serrî verê cû û roja 22ê Çeleyê 1946î de bajarê Mehabadî yê Rojhilatê Kurdistanî de, pêşewa Qazî Mihemed û embazê ey meydanê Çarçirayî yê Mehabadî de Komara Kurdistanî îlan kerdî.

Emrê Komara Kurdistanî tena 11 aşmî bi, semedo ke hêzê Sovyetî Îran ra peyser ancîyayî, artêşa Îranî hêrişê Kurdistanî kerd û Komara Kurdistanî şîya ra. Serkomar Qazî Mihemed û çend  hevalê ey zî ameyî îdam kerdiş.

Kabîneya Komara Kurdistanî wina bî:

Serek: Qazî Mihemed

Serekwezîr: Hacî Babe Şêx

Wezîrê Şerî: Seyfî Qazî

Wezîrê Zereyî: Mihemed Emîn Muînî

Wezîrê Ekonomî: Ehmed Îlahî Wezîrî

Wezîrê Post û Telegraf: Kerîm Ehmedîyan

Wezîrê Kulturî: Menaf Kerîmî

Wezîrê Propaganda: Sidîq Heyderî

Wezîrê Karî: Xelîl Xusrewî

Wezîrê Bazirganî: Hacî Mistefa Dawûdî

Wezîrê Zîretî: Mehmûd Welîzade

Wezîrê Rayîr û Pirdan: Îsmaîl Îlxanîzade

Wezîrê Weşîye: Seyîd Mihemed Eyûbîyan

Wezîrê dewlete: Ebdulrehman Îlxanîzade

Wezîrê Edeletî: Mela Husên Mecdî

Paytext: Mehabad

Dirav: Rîyalê Îranî

Her serre bi minasebetê ronayîşê Komara Kurdistanî, çalakîyê cîya bi cîya her hetê Kurdistanî de yenê tertîpkerdene û Ronayîşê Komara Kurdistanî yena yadkerdene.

Armancê Komara Kurdistanî no bi ke, wa Îran de kurdî heqanê xo yê meşrûyan bigîrê.