NAVENDA NÛÇEYAN - Endamê Desteya Serokatîya Encûmena Niştimanîya Kurd li Sûrîyê (ENKS) Feysel Yûsif ragihand ku ew guhertina demografîya navçeyên Rojavayê Kurdistanê red dikin.

Endamê Desteya Serokatîya ENKSê Feysel Yûsif Rûdawê re ragihand, ku ew şandina malbatên çekdaran bo Girê Spî û Serêkanîyê red dikin.

Feysel Yûsif eşkere kir, ku berî demekê wan ji şandên hersê welatên Fransa, Brîtanya û Amerîka re gotibûn, ku ew guhertina demografîya navçeyê qebûl nakin.

Feysel Yûsif amaje bi wê dike, guhertina demografîya Rojavayê Kurdistanê ji Efrînê dest pê kir û bi Serê Kanî û Girê Spî berdewam dike û tekez dike ku ew weke ENKS guhertina demografîya Rojava red dikin.

Endamê Desteya Serokatîya ENSKê dibêje, we daxwaza ya derbarê rawestindina guhertina demografîya Rojava de gihandina Fransa, Brîtanya û Amerîkayê û dîyar dike, wan jî soz dane ku tişta ji destê wan tê dê bikin.

Feysel Yûsif aşkere jî dike,  “Daxwaza me ew e ku ew kesên hatina van herêman vegerin cihên xwe. Em berdewam li ser hewlên di qada navdewletî de. Ev meseleyeke sereke ye di ajandaya me de.”

Rûdaw

Serok Mesûd Barzanî: Serxwebûn ne xewn e, mafê kurdan e û wê pêk were

Li 31 bajarên Tirkîyê qedexeya derketina derve hat ragihandin

Dewleta Tirkîyê termê gerîlayekî PKKê bi rêya postê ji malbata wî re şand!

400 Kurdên Êzidî li Bexda û Mûsilê asê mane