NAVENDA NÛÇEYAN - Encûmena rêveberîya PDKê li Kerkûk – Germîyanê peyamek ji ber tewanê li Pirdê belav kir û daxwaza danîna parêzgerekî xwedî şîyan û paqij bo Kerkûkê kir.

Peyam waha ye:

Peyama Encûmena rêveberîya Kerkûk – Germîyanê ya derbarê tewanê li Pirdê de

Bi navê xwedayê mezin

Bîhîstin û dîtina dîmenên tewanên destdirêjîya çend kesên ser bi hêzên Heşdî Şeibî û polîsê Îtîhadî li sînorê desthilatîya lijneya ewlehîyê û parêzgerê sepandî yê Kerkûkê bo ser jinekî xwedî pêdivîyên taybet û gelek feqîr û hejzar a kurd li Pirdê, wijdana hemû mirovekî dihejîne. Ji ber wê em destxweşîyê û piştevanîyê li peyama dirust û bilind a rêzdar Serok Barzanî dikin ku gelek bi dirustî û merdî û bi wijdanî ve li ser takekî kurd a kêmendam li bajarokê Pirdê ya ser bi parêzgeha Kerkûkê rabûye serpîyan û bi dengê bilind ve daxwaz li her du hikûmetên herêma Kurdistanê û hikûmeta federal a Iraqê kir, bi hevbeşî lêkolînê li wê tewana kirêt bikin û encamderên wê tewanê demek kurt de ceza bikin.’’

Birêz Serok Barzanî bi wê peyama bilind û tejî wate ve hemû kurdekî Kerkûkê û giştî rûniştvanên navçeyên derveyî îdareya herêma Kurdistanê re ragehand em piştevanin û nahêlin zulm li we bê kirin û ji dost û dijmin re jî got, em hemû demekî piştevanê rûniştvanên navçeyên derveyî îdareya herêma Kurdistanê ne û divê rewşa wan navçeyan bê asayî kirin.

Em jî daxwaz ji hikûmeta federal û hikûmeta herêma Kurdistanê dikin, demekî zû de rewşa parêzgeha Kerkûkê bê asayî kirin û parêzgarekî xwedî şîyan û dest paqij ku ti dosyayekî wî yê gendelî tinebe û li dadgehê bi torpîl ango wasitan ve û rêyên ne rewa ve bi kefalet xwe ji cezayên dadwer rizgar nekiribe, wek parêzgerê naha yê hatî sepandin ê Kerkûkê!!!!

Kesek be derveyî gendelîyê be û fêl û kîn di dilê wî de nebe û kesek be bi rêya bira û kesên nêzîk xwe ve destê wî têkelî terorîstên DAIŞê nekiribe û nebe. Kesek be di hewldanan destverdana bajarê Kerkûk a dilê Kurdistan a DAIŞê lê şikestî nekiribe.

Herwaha kesek be ji alîyê pêkhateyên Kerkûkê ve bê nasîn û xwedî cîhê rêzê be.

Dubare destxweşî li rêzdar Serok Barzanî em dikin. Sax û serbilind û serkeftî bin

Dr. Kemal Kerkûkî

Serokê Encûmena rêveberîya Kerkûk – Germîyanê

10.04.2020

ENKSê derbarê Rojava de daxwazek pêşkêşî 3 dewletan kir

Serok Mesûd Barzanî: Serxwebûn ne xewn e, mafê kurdan e û wê pêk were

Li 31 bajarên Tirkîyê qedexeya derketina derve hat ragihandin

Dewleta Tirkîyê termê gerîlayekî PKKê bi rêya postê ji malbata wî re şand!