Dîyarbekir: Rîyê çala Borane û leyîran ra emser xalî lêşin mendî

Dîyarbekir: Rîyê çala Borane û leyîran ra emser xalî lêşin mendî

Dîyarbekir de Boranêk çala xu xalîya keyeyêk ser viraşt. Rîyê leyîran ra wayîra keyî xalîyê xo emser nêşutê û pawena ke wa leyîrê borane bibê pîl.

A+A-

Xebere: Enwer Yilmaz / RÛPELA NÛ

Dîyarbekir de Boranêk çala xu xalîya keyeyêk ser viraşt. Rîyê leyîran ra wayîra keyî xalîyê xo emser nêşutê û pawena ke wa leyîrê borane bibê pîl.

Semtê Çolguzelî yê Dîyarbekirî de cinî pêro xalîyê xo şutî la Bîlhuda Dogana ke dadîyê 3 qijan a, emser nêeşkaya xalîyanê xu buşo.

Sebeb zî boranêk çala xo bolkona aya de xalîyê aya ser de viraşta. Çend rojîyo ke Borane semedê çala xo çer-çop arêdaya û 2-3 rojîyo ke leyîrê xu zî ardî.

Qijê keyî Madîya, Merwan û Lavînya ameyîşê Borane û vengê leyîran ver zaf keyfweş benî û Bilhuda Dogan vana ke: Mi emser qismêk xalîyê xo nêşutî. Rojêk ez ewnîya ke Borane balkona mi de ha xu rî çale virazena. Mi zî qarişê aya nêda. Çend rojî badê ez ewnîya vengê leyîran yeno. 2 heb leyîrê aya estî. Ez zî ge- ge ez zî çî-mî verê înan de nona ro. Ma ra qet nêtersenî, ay zî hînî keyeyê ma ra yê. Ma înan rê zaf hes kenî. Qijê mi zaf pê keyfweş benî.

La Bilhuda Dogan vana ke, Eke leyîrî bîy pîl û firr bidî ez mecbur xalîya xo şuwena. Heta serra bîne homa pîl o. Eke onca amey û çala xo tîya de viraşt ez têy nêdona.

Boranê ke bajaran de yê hema ça de cayêko dalde dî ûca de çala xo virazenî. Serê bînayan, balkonan û binê sacan de.. Boranî en zêde nê cayan de çala xo virazenî. Daran ser o zaf halînanê xo nêvirazenî. Boranî însanan ra zî zaf nêtersenê, eke dî ke însanî leqeyê xo pê înan nêkenê, uca de çala xo virazenî.

whatsapp-image-2020-06-04-at-14-27-43.jpeg

whatsapp-image-2020-06-04-at-14-23-00.jpeg

whatsapp-image-2020-06-04-at-14-27-44-1.jpeg

whatsapp-image-2020-06-04-at-14-22-46.jpeg

whatsapp-image-2020-06-04-at-14-22-46-001.jpeg

 

 

 

Ev nûçe 325 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin