• Diyarbakır 23 °C
  • Batman 25 °C
  • Hakkari 14 °C
  • Şırnak 19 °C
  • Ağrı 14 °C

Alimên îslamî yên Rojava fetwaya alimên Sûrî ya li dijî Efrînê şermezar kir

Alimên îslamî yên Rojava  fetwaya alimên Sûrî ya li dijî Efrînê şermezar kir
Alimên îslamî û melayên Rojavayê Kurdistanê li dijî fetwaya alimên Sûriyî ya li dijî herêma Efrînê nerazîbûn nîşandan û ew fetwa şermezar kirin.

Çend roj berê alimên îslamî yên Sûrî, ku li Tirkiyê dijîn, fetwayek li ser operasyona Efrînê dabûn. Li gorî wê fetwayê, kuştin û dagirkirina Efrînê ji aliyê artêşa Tirkiyê ve rewa ye û hêzên Tirkiyê dikarin milk û mal û jinên kurdan wek “xenîmeta şer” zeft bikin!


Li hember vê fetwayê, komek alimên îslamî û melayên kurd yên Rojavayê Kurdistanê li bajarê Qamişlo meşiyan û nerazîbûna xwe li dijî wê yekê anîn ziman.


Cîgirê Serokê Yekîtiya Oldarên Bakûrê Sûriyê Ebdulrehman Bedirxan, ku tevlî meşê bibû, got: “Em ji wan kesan re dibêjin; xwezî ew fetwaya we li dijî hinek din bidana, li dijî kesên ku kuştina we helal kirin û Sûrî bi tevahî talan kirin û kevirek li ser kevirekî nehiştin.”


Hevserokê Yekîtiya Oldarên Herêma Cizîrê Mihemed Mela Reşîd Xerzanî jî li ser vê mijarê got:

“Dema zanayek bê ser sînor û dia ji leşkerekî sitemkar û dagirker re bike li dijî miletekî ewle, miletekî di gund, bajar û darên xwe yên zeytûnan de û xwîn û malên wan li xwe helal bikin, ev ne karê zanayan e, karê zanayan çaksaziya di nava xelkê de ye.”

 

Ev nûçe 523 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din