Ma eyro bi namey "Veracêrkerdena Gramerê Zazakî û Kurmancî: Dîyalekt, Alfabe û Fonetîk, Morfolojî" kitabêke danê naskerdişî. Kitab hetê Seîd Verojî ra hamey hedrekerdişî û Weşanê Ava ra neşr bîyo.

Verojî kitab de hetê dîyalekt, alfabe û fonetîk, morfolojî ro kirmanckî (zazakî) û kurmancî dawa têhet û mesela  zelal kerd a. Verî ene joy di vateyo verîn de Veroj serê meselay henî vanê kirmanckî (zazakî) kurdî ya de vinderto û vato ke bi ene xebate "ên do bivînê ke zazakî û kurmancî çiqab nizdîyê yewbîn î û çiqas yewnin ra dûrî yî. Ayê ke winî vanê zî, zafê ênan yan ziwanê kurdî û dîyalektanê eye baş nêzanê yan zî goreyê tayê sebebbandê îdeolojîk û sîyasî hereket kenê."

Niştox Seîd Verojî serê ene xebate hîrê çar serî xebetîya yo û di serey 2014'inan de Şaxê Ziman û Kulturê Kurdî yê Unîversîteya Artûklû ya Mardînî eno kitab sey tezê masterî qebûl kerd o."

Di enî kitabî de Seîd Vero hetê veng, vate, viraştişê vateyan, bedêlîyayîş û rêzbîyayîşê vateyan, kar û goreyê deman antişê karan û tayê xusûsîyetê bingihî yê gramerê ênan ra ameyê veracêrkerdene."

Veroj zehhbînê dîyalektan zey dewlemendî ziwanî qebûl keno û vano: "Kes şêno vajo hem  hetê xezîneyê vateyan ra hem jî tehê prensîbandê gramerî ra nêzdîyîya nê her di dîyalektan, ferqê înan ra zaf vêşî ya. Ferqê mabêna gelek dîyalektanê ziwanandê bînan çiqas o seke, ê zazakî û kurmancî jî ehend o."
Kitab de xeynê hetê veracêrkerdenê gramerê wirdî zaravayan, hetê tarîx û cay enî zaravay yenê xeberdayişî ser jî mûlamatî hamey dayişî.

- Veracêrkerdena Gramerê Zazakî û Kurmancî: Dîyalekt, Alfabe û Fonetîk, Morfolojî / Seîd Veroj / Weşanên Ava / 2014 / 312 rîpelî

Dîyarname