Serok Mesûd Barzanî bi minasebeta  wefata pêşmergeyê Şoreşa Îlonê, Sabîr Bêserî peyameka serxweşîyê  belav kir.
Serok Barzanî duhî bi minasebeta wefata pêşmergeyê Şoreşa Îlonê, Sabîr Bêserî peyamek belav kir û hevxemiya

xwe bo malbata wî nîşan da. Peyama Barzanî wiha ye:

Malbata birêz ya rehmetiyê emîd Sabir Bêserî!
Mixabin xebera wefata pêşmergeyê şoreşa mezin ya îlonê û fermandeyê dilsoz û jêhatî kak Sabir Bêserî gihîşt min.
Kak Sabir, ji bilî wê yekê ku hemû temenê xwe bi awayekî dilsozane xist xizmeta gel û welatê xwe, tekane kurê xwe Keywan jî kir qurbana welat.

Ez di vê helkefta xemnak de serxweşiyê li we û hevalên kak Sabir dikim û xwe şirîkê xema we dibînim.
Ez lavahiya ji Xwedayê Mezin dikim ku giyanê kak Sabir bi behest berîn şa bike û sebrê bide her kesî.