Yêmen: 15 hezaran zêdetir sivîl hatine kuştin!

Yêmen: 15 hezaran zêdetir sivîl hatine kuştin!

Yekîtîya Şopandina Binpêkirina Mafên Mirovan a Yêmenê dîyar kirîye ku ji ber şerê ku 5 sal in li welêt dewam dike 15 hezar û 420 sivîl hatine kuştin, kêmzêde 23 hezar sivîl jî birîndar bûn.

A+A-

Navenda Nûçeyan- Yekîtîya Şopandina Binpêkirina Mafên Mirovan a Yêmenê dîyar kirîye ku ji ber şerê ku 5 sal in li welêt dewam dike 15 hezar û 420 sivîl hatine kuştin, kêmzêde 23 hezar sivîl jî birîndar bûn.

Li malpera yekîtîyê ji bo "10ê Berfanbarê Roja Mafê Mirovan a Dinyayê" rapor hatîye weşandin. Di raporê da hat destnîşankirin ku li Yêmenê ji derbeya Hûsîyan vir da 5 sal in şer dewam dike, di encama vê da ji bo welatîyan rewşa trajîk derket holê.

Di raporê da hat destnîşankirin ku li Sanaya paytext û hin herêmên Hûsî kontrol dikin ji îlona 2014an hetanî cotmeha 2019an 15 hezar û 420 sivîl hatin kuştin, 22 hezar û 916 sivîl jî birîndar bûn.

Dîsa di raporê da hat gotin ku li welêt 4 hezar û 272 sivîl hatin revandin, 6 hezar û 352 zarok jî çekdar kirin. Agahî nehat dayîn ku tiştên qalê dikin li kîjan herêmê û bi destê kê hatine kirin.

Di raporê da hat dîyarkirin ku li gelek bajaran ji ber mayînên Hûsîyan bi cî kirine 1300 sivîl mirin, bangî civaka navneteweyî kirin ku bira bilez tevbigerin.

Çavkanî: Bianet

Ev nûçe 293 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin