Di 15ê Tîrmeha 2016ê de bi navê ‘Konseya Sulh a Welat’ di nav ordîya Tirkiyê de cûntayeka hewilda ku darbeyekê çêbike. Li bajarên mezin yê Tirkiyê Anqerê û Stenbolê di nav darbekaran û dijî derbekaran de şerekî dijwar rû da; derbekar serokê Erkanî Herb û generalên giregir rehin stend; havîngeha serokkomarê Tirk Recep Tayyib Erdogan û Meclîsa Mezin a Tirkiyeyê hat bombekirin û gulebarankirin, destdanîn li ser hin rojname û Televîzyonên şexsî bi satean weşana wan hat rawestandin û di TRT de beyana xwe belav kir.

Di beyanê de hat gotin ku; ”ew bi navê Erkanî Herb bi temamî dest danîne ser karînê. Û Serokkomar di nav gaflet delalet û xiyanetê de ye. Ji bo tesîskirin û temînkirina destûra bingehîn, demokrasî, maf û azadîyan û serdestîya huqûqê dest danîne ser îktîdarê. Û hemû peymanên navneteweyî û tehahutên muteber in û bi dewletên dinyayê re dê danûstendinê berdewam bin.”

Ev hewildana darbekeran çend saet ajot. Xelk li dijî wan derket kolanan, Meclisa Tirkiyeyê li dijî wan rawest û medya dengê xwe bilind kir; hin ji derbekaran hatin girtin, hin teslîm bûn hin jî revîyan çûn Yûnanistanê. Serokwezîrê Tirk Binali Yildirim têkildarî hewldana darbeya leşkerî diyar kir ku 161 kes mirine -wî wekî şahît bi nav kir- û da zanîn ku hezar û 440 kes birîndar bûne û fermandar jî di navde 2839 endamên artêşê hatine binçavkirin.

Serokomar û serokwezîr û wezîrên hukimeta AKPê vê hewildana cûntayê wek hewildaneka cemeta Gulenê ku di nav arteşa Tirkiyê de bi cî bûne bi nav kir.