Rojhelat û Îranî de bi hezaran kesî ameyî destbendkerdene

Rojhelat û Îranî de bi hezaran kesî ameyî destbendkerdene

.

A+A-

Rojhelatê Kurdîstanî û Îran de çalakîyê vera qetilkerdişê Jîna Emînî roja 11. de dewam kenê. Heta nika bi hezaran çalakîkerî ameyî destbendkerdene û hukmatî çalakîkerî tehdît kerdî.

Rojhelatê Kurdîstanî û Îran de çalakîyê vera qetilkerdişê Jîna Emînî roja 11. de dewam kenê. Heta nika bi hezaran çalakîkerî ameyî destbendkerdene û hukmatî çalakîkerî tehdît kerdî.

Dima ke Serekkomar Îbrahîm Reîsîyî ferman da ke hêzê dewlete 'vera her keso ke zerarî dano asayîşî' teda bikerê, narey zî Serekê Heyetê Gulamhuseyînî Muhsenî Eceuîyî çalakîkerî tehdît kerdî.

Rojhelatê Kurdîstanî de çalakîyî vera vila benê. 25ê êlule ra nata 10 şaristananê eyaletê Tehranî de çalakîyî yenê kerdene. Çalakîyan de vera hukmatî û Serekê Dînî Xamaneyî sloganî yenê vatene. Dîmenanê çalakîyan de asenê ke hêzê rejîmê Îranî pê guleyan hêrişê şarî kenê.

Verê berê Zanîngehê Teknolojî yê Babol Noşîrvanî yê eyaletê Mazenderanî de posterê Ayetullah Humeynîyî ameyî vêşnayene.

Şaristananê Rojhelatê Kurdîstanî û Belûcîstanî de zî çalakîyê protestoyî dewam kenê. Dîmenêk de aseno ke Belûcîstan de bi sloganan paştî dîyena kurdan.

Çimeyê muxalîfî danê zanayene ke 146 şaristananê 13 eyaletan de çalakîyî zêdîyenê. Çimeyê Mucahîdanê Şarî pare kerd ke 146 şaristanan de tewr tay 8 hezar kesî ameyê destbendkerdene û 180 kesî zî ameyê qetilkerdene.

Goreyê eşkerayîya fermîye 10 rojan de 41 kesan dinyaya xo bedilnaya.

Rêxistina Heqanê Merdiman a Îranî (ÎHH) zî dîyar kerd ke çalakîyan de tewr tay 57 kesî ameyê qetilkerdenee.

Komîteya Pawitişê Rojnamegeran (CPJ)ya ke merkezê ci Amerîka de ya, pare kerd ke 17 rojnamegerî ameyê destbendkerdene.

Ev nûçe 152 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin