Rêxistina Lêborînê ya Navdewletî derbarê xwepêşandanên Îranê de hişyarî da

Rêxistina Lêborînê ya Navdewletî derbarê xwepêşandanên Îranê de hişyarî da

.

A+A-

Rêxistina Lêborînê ya Navdewletî (Amnesty International) derbarê bêdengkirina xwepêşandanên Îranê de ji civaka navdewletî daxwaz kir "karekî watedar" bikin.

Rêxistinê destnîşan kir, nerazîbûnên piştî kuştina Jîna Emînî têne nîşandan, ku radeya hêrsa xelkê li hember hîcaba bi zorê û kuştinê nîşan dide, ji aliyê hêzên ewlehiya Îranê ve gelek bi tundî tê bersivdan.

Amnesty International daxwaza hewleke navdewletî ji bo rêlibergirtina li xwînrijandina zêdetir ji aliyê hêzên ewlehiya Îranê ve dike.

Rêxistinê li gor belgeyên xwe diyar kiriye, di nava du şevên borî de (21-22yê Îlonê) li 20 bajar û 10 parêzgehan, hêzên ewlehiyê teqeyên rasterast li xwepêşanderan kirine û di encamê de "herî kêm 30 kesan ku ji wan 4 kes zarok bûn, canê xwe ji dest dane".

Şeva înê (23ê Îlonê) televîzyona fermî ya Îranê ragihand, 35 kes di xwepêşandanan de hatine kuştin.

Herwiha roja înê, Serokomarê Îranê Îbrahîm Reîsî ji Amerîkayê vegeriya û li Balafirgeha Tehranê, gef li xwepêşanderan xwar û got: “Di ti rewşê de em nahêlin ewlehiya xelk û welatê me, tûşî metirsiyê bibe.”

Ev nûçe 118 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin