Raporta NYê: Gelek Caran Qurbanî Sivîl Û Kurd İn

Raporta NYê: Gelek Caran Qurbanî Sivîl Û Kurd İn

Netewên Yekgirtî li ser rewşa Efrînê û tawan û binpêkirinên mirovî ji aliyê grûpên çekdar ve tên kirin hate deng û ragihand, li Efrînê grûpên çekdar bi berdewamî welatiyên Kurd ên sivîl direvînin, eşkence didin û dikujin.

A+A-

Netewên Yekgirtî li ser rewşa Efrînê û tawan û binpêkirinên mirovî ji aliyê grûpên çekdar ve tên kirin hate deng û ragihand, li Efrînê grûpên çekdar bi berdewamî welatiyên Kurd ên sivîl direvînin, eşkence didin û dikujin.

Komîta Lêkolînê ya ser bi Netewên Yekgirtî ve duhî di raportekê de belav kir, rewşa ewlehiyê li Efrînê gelekî xirap e û grûpên çekdar herêm li ser xwe parve kirine û serweriya yasayê li wê herêmê nîn e.

Raporta Netewên Yekgirtî diyar dike, li Efrînê bi berdewamî kiryarên revandinê, eşkencedan û kuştina welatiyan ji aliyê grûpên çekdar ve tên kirin û gelek caran qurbanî sivîl û Kurd in.

Komîta Lêkolînê ya ser bi Netewên Yekgirtî ve amaje bi wê yekê jî kir, grûpên çekdar wek kesên dewlemend li welatiyên sivîl dinêrin û gelek caran bijîşk û bazirgan jî dibin qurbanî.

Ev raport di demekê de ye, ji dema dagîrkirina Efrînê di 18ê Adara 2018an ji aliyê artêşa Tirkiyê û grûpên çekdar ên opozîsyona Sûriyê yên di bin fermana artêşa Tirkiyê de kar dikin, ji bilî destdanîna ser mal û milkên welatiyan, şewitandina daristan û darên zeytûnê, bicihkirina proseya guhartina demografî, grûpên çekdar bi berdewam tawan û kiriyarên revandin û eşkencedana welatiyan tên kirin û hejmarek mezin ji welatiyên sivîl di bin eşkencedana çekdaran de hatine kuştin.

Li gor zanyariyên K24ê, li Efrînê zêdetir ji 40 welatiyên Kurd ên sivîl di bin eşkenceya hovane û bi guleyên rasterast ên grûpên çekdar de hatine. Herî dawî jî roja 8ê vê mehê, welatiyê bi navê Mihemed Henîf Husên ê ji gundê Bilêlko ku roja 30 Tebaxa bûrî ji aliyê grûpeke çekdar ve hatibû revandin, di bin eşkenceya hovane de hat kuştin.

K24

 

 

Ev nûçe 75 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin