Podcastkurdîyê dest bi weşanê kir

Podcastkurdîyê dest bi weşanê kir

Weke weşaneke medyayî podcastê ya li Ewrûpa, Amerîka û gelek welatên cihanê berbelav bûye êdî li nava kurdan jî bi cîh dibe. Platforma Podcastkurdîyê dest bi weşanê kir.

A+A-

Navenda Nûçeyan - Îro roja şemîyê 21.03.2020an di sersala nû ya kurdî de ango bi hatina Newrozê re Podcastkurdîyê bi dirûşmeya “Ev der Podcastkurdî ye û Podcastkurdî qise dike” li platformên podcastan yên weke Spotify, SoundCloud, GooglePodcast û hwd… û ji malpera xwe ya bi navê podcastkurdi.com dest bi weşanê kir.

Di yekem weşana xwe de berhevkara û edîtora podcastkurdîyê Roza Sierrayê di bernameya bi navê “Tûrik” de bi serenavê “Di folklora Kurdan de çend varyantên Newrozê” behsa nerîta Newrozê ya di berhemên kurdan de kirîye û şerha wan kronîkên klasikên kurdî kirîye.

Herwiha rojnameger û edîtorê podcastkurdîyê Mevlüt Oğuz jî di bernameya xwe ya bi navê “Derkenar” de bi sernava “Ji Radyoya Erîvanê heya Podcastkurdîyê: Panoramayeke giştî ya podcastên Kurdî” podcastek pêşkêşî guhdaran kirîye û behsa azmûna Kurdan ya di weşangerîya radyoyayan û podcastan kirîye.

Li alîyê din rojnameger Hozan Adar jî di bernameya xwe ya bi navê “Çîrokên Rojnamegeran” de hevpeyvînek ligel rojnamegerê xwedî azmûn li Bakurê Kurdistanê Mahmut Bozarslan re çêkirîye û cih daye serborîyên Mahmut Bozaraslanî yên rojnamegerîyê.

Rojnameger Mehmed Salih Bedirxan jî di bernameya xwe ya bi navê “Rabêj” de bi sernava “Korona li Rojhilatê Kurdistanê” podcastek amade kirîye û ligel Berpirsa Rêxistina Mafê Mirovan a Hengawê Jîla Mostajerê re hevpeyvînek amade kirîye û rewşa dawî ya xelkê Rojhilatê Kurdistanê beramber rûbirûbûna Koronayê raberî guhdarên Podcastkurdîyê kirîye.

Sînameger û lîstikvana Kurd Fatoş Yildizê jî di bernameya “Kadraja Kurdî” de podcastek bi serenavê “Dîroka sînemaya cîhane û ya sînemaya Kurdî” podcastek amade kirîye û tê de behsa ezmûna kurdan a sînemayê, rewşa dawî ya sînmeya Kurdî kirîye.

Podcastkurdîyê armancên xwe wiha aşkere kirîye:

Ev hewla me di demekê de ye ku li seranserî cîhanê û Kurdistanê, veberhênaneke zêde bo medyayê tê kirin bi podcastkurdîyê em dixwazin, nûçe-analîz, zanyarî û geşedanên dawî derbarê sîyaset, huner, sînema, kultura kurdî de bigihînin we.

Bi kurtî û kurdî em dixwazin rojnamegerîyê bi peyva kurdîyê têxin kerîneka guhê we.

Em ê bi nûçe- dosya û nûçe- analîzan hewil bidin xumama li ser bûyaran bidin alî.

Helbet derbarê edebîyat, huner, sîyaset, sînema, werziş û jîyanê de hevpeyvînên me hebin.

“Bila guhê we li me be!”

Lîjneya Weşanê

  • Mahmut Bozarslan
  • Hatice Kamer
  • Murat Bayram

Koordînatorên Giştî

  • Rabia Çetin
  • Mehmed Salih Bedirxan

Derhênerê teknîkî

  • Hozan Adar

Editorên Podcastkurdîyê

  • Fatoş Yildiz
  • Mevlüt Oğuz
  • Roza Sierra

 

Ev nûçe 148 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin