PAK (Partîya Azadîya Kurdistanî):

“Doktor Fuad kadroyêko zanaye û rayberêkê esasî yê Teşkîlatê Azadî yo ke Xalid Begê Cibrî Serekîya ci kerdêne bi.

Dr. Fûad îdarekar û organîzatorê esasî yê serewedaritişo ke bi serekîya Şêx Seîd Efendî de dest pêkerdbi yo.

Şêx Eyub zî pey ra û beşdarêkê muhîm yê serewedaritişê Şêx Seîdî bi.

Dr. Fûad zî, Şêx Eyub zî hetê Dewleta Tirkîya ra pê hîle û dek û dolabanê cî bi cîya ameyî tepiştene.

Mehkemeya Şerq Îstîklalî ya Dewleta Tirkîya,  roja 16.04.1925î de Amed de qerarê îdamkerdişê Dr. Fûad  û Şêx Eyubî da û roja 17.04.1925î de Dr.Fûad, roja 18.04.1925î de zî  Şêx Eyub ame îdamkerdene.

Dr.Fuadî îdam bìyayîşê xo ra ver Mehkema de wina vatbi: ’’Ez her wext hadre bîya ke xo qurbanê welatê xo Kurdistan bikî. La tu şikê mi tira çino ke rojêk ala xoserîye do no erdo ke ma tede yenê îdamkerdiş ser o bêra têraşîyayîş’’.

Dr. Fuad û Şêx Eyub raybero welatperwer û ercîyaye yê dewaya azadîya Kurdistanî bi. Ma rayberanê dewaya şarê xo Dr.Fûad û Şêx Eyubî serrgêra dardekerdişê înan a 95ine de bi hurmet yad kenê.”

Buroya Çapemenî û Têkilîye ya PAKî

PAK:Xalid Begê Cibrî û Yusuf Zîya Beg rayşîyayîşê azadîya Kurdistanî de cuyenê

PAK: Ma Şehîdanê Enfalî Bi Hurmet Yad Kenê

PAK: Ma teslîmkerdiş û dardekerdişê Mistefa Selîmî şermezar kenê

PAK: Roşanê Paskalya yê heme Xiristîyananê Kurdistanî û dinya pîroz bo