Li Tirkîyê yên dibêjin “Em Kurd in” 2 qatan zêde bûne

Li Tirkîyê yên dibêjin “Em Kurd in” 2 qatan zêde bûne

Li gor lêkolîneke rapirsîyê, li Tirkîyê rêjeya kesên xwe wek "Kurd" binav dikin û şanazîyê bi nasnameya xwe dikin, di heyama deh salan de du qatan zêde bûye.

A+A-

Navenda Nûçeyan- Kompanîya Rapirsîyê KONDA, raportek derbarê encamên lêkolîna sala 2018an de aşkera kir û daneyên deh salên dawî anîn ber hev. Di raportê de, nasnameya pêkhateyan, asta perwerde, aborî û tevlibûna civakê tê lêkolînkirin.

Li gor encaman, welatîyên Tirkîyê ji sedî 75 xwe wek netewe û nasnameya Tirk binav dikin, ji sedî 16-19 xwe wek netewe û nasnameya Kurd binav dikin û sedî 2 jî xwe wek Zaza binav dikin. rêjeya Ereban ji sedî 3 ye, yên dibêjin ku ji netewên din in jî sedî 3 ne.

Li gor lêkolînê, berî deh salan rêjeya kesên xwe wek Kurd binav dikirin, dora ji sedî 9 bû, lê niha bûye ji sedî 16-19.

Raport dide zanîn, ev rêje tenê ne bi ji hejmarên jidayîkbûnê ve girêdayî ne, di salên dawî de yên nasnameya xwe bi aşkera dibêjin zêde bûne û bi wê jî şanazîyê dikin.

Ev nûçe 133 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin