Navenda Nûçeyan - Kurdistanîyê ji navçeya Elbîstanê ya Meraşê Îbrahîm Ozalp ku li Londonê dijîya, berî niha 10 rojan, ji ber êşa dil çûbû Nexweşxaneya Homertonê ya li Londonê.

Di encama pişkinînê de eşkere dibe ku Îbrahîm Ozalp tûşî koronayê bûye û bijîşkên Nexweşxaneya Homertonê wî karantîne dikin.

Di encama dermankirina 14 rojan de Îbrahîm Ozalpê 91 salî ji koronayê rizgar dibe û bi saxî û silametî ji nexweşxaneyê derdikeve.

Niha rewşa tendûristîya wî baş e û bijîşkên wî dibêjin ku her kesê ku berxwedana laşê wî bihêz e dikare xwe ji  koronayê pak bike û vegere ser tendûristîya xwe.