Qezaya Kanîreşî ya Çewlîgî de rîyê cemidyayîşî ra qezaya trafîkî qewimîya, kesêk merd û di kesî birîndar bîyî.

Vizêr saetanê şanî de bejrayîrê Çewlîg-Erziromî de qezaya trafîkî qewimîya. Mewkîya dewa Toxliyanî  ya qezaya Kanîreşî de otomobîla ke rîyê cemedîra xij bîye û kontrolî ra vejîyaye da otobuse ro.

Netîceya qezayî de otomobîle bîye di leteyî, ramitoxê otomobîle cayê qewimîyayîşî de cuya xo vînî kerde û di raywanê otobuse birîndar bîyî.