• Diyarbakır 7 °C
  • Batman 7 °C
  • Hakkari 4 °C
  • Şırnak 6 °C
  • Ağrı -1 °C

Îsraîlê êrîş bire ser Şamê-VÎDYO-

Îsraîlê êrîş bire ser Şamê-VÎDYO-
Îsraîlê bi mûşekan êrîş li ser balefirgeha Şamê ya Navdewletî pêkanî û Sûriye jî ragehand ku hejmarek ji mûşekan hatin rûxandin.

Rewangeha Sûrî ya Mafên Mirovan belav kir, şeva borî demjimêr 22:00 hejmarek ji mûşekan ku tê pêşbînîkirin ku ji Îsraîlê avêtibin nêzîkî balefirgeha Şamê ya Navdewletî ketinê, di encamê de ziyanên madî yên mezin pêkhatine.

Ajansa “SANA” ya Sûriyê ya fermî jî ragehand, Îsraîlê êrîşî balefirgeha Şamê ya Navdewletî kir, lê sîstemên wê yên berevaniya esmanî karîn hejmarek ji mûşekên Îsraîlî jinav bibin.

Roja 4ê vê mehê jî balefirên şer ên Îsraîlê devera di navbera bajarokê Misyaf û Wadî Iiyon ya parêzgeha Hemayê û bajarê Banyasê li parêzgeha Tertûsê bombebaran kirin, ku pêgehên hêzên Îranî li deverê hene.

Demeke balefirên Îsraîlî pêgehên leşkerî li Sûriyê bombebaran dike û dibêje ew navendên Îranê yên li Sûriyê armanc dike. Artêşa Îsraîlî berî çend rojan ragihand, ku balefirên wan di nava du salên derbasbûyî de, 200 carî êrîşî bingehên Îranî li nav Sûriyê kirine.

Ev nûçe 154 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din