• Diyarbakır 33 °C
  • Batman 35 °C
  • Hakkari 26 °C
  • Şırnak 33 °C
  • Ağrı 24 °C

Îsraîlê cardin moşek avêt..Parastina hewayî ya Sûriyê berî girt

Îsraîlê cardin moşek avêt..Parastina hewayî ya Sûriyê berî girt
Hêzên Sûriyê yên berevaniya ezmanî, rê li ber êrîşeke firokeyên Israîlî li dijî bingeha T4a serbazî girtin.

Jêderekî serbazî yê ji Artêşa Sûriyê diyar kir, ku berevaniya wan ya ezmanî çend moşekên Israîlî anî xwarê û li firokeyeke cengî jî da, bi wê yekê firokeyên mayî êrîşa bidawî anîn û ezmanê Sûriyê derketin.

Li ser wê êrîşê, Çavdêrgeha Sûriyê ji bo Mafên Mirovan tekez kir, ku di wê êrîşa moşekî de, li ser bingeha T4 ya serbazî li gundewarê Himsê, hejmarek ji çekdarên Îranî û yên Hizbullaha Lubnanî hatin kuştin.

Ji aliyê xwe ve, Artêşa Israîlî red kir ku bersiva daxuyaniyên wî jêderê Artêşa Sûriyê bide, ku Israîl bi encamdana wê êrîşê tometbar kiribû.

Peyvdarê Artêşa Israîlê ragihand, ku ew bersiva wan raporan nadin, ku di medya biyanî de belav dibin.

Di roja 9ê Nîsana îsal de jî, firokeyên cengî yên Israîlî, ji corê F15 êrîşî bingeha T4 kirin û di encama wê êrîşê de, 7 şêwirmendên serbazî Îranî hatin kuştin.

Li ser wê êrîşê, wezareta berevaniya Rûsî di daxuyaniyekê de ragihand, ku du firokeyên Israîlî ji cûrê F15, ji ser ezmanê Lubnanê, 8 moşekên ku ji dûr ve tên arastekirin, berdan bingeha T4 a serbazî, lê hêzên berevaniya Sûriyê rê li ber 5 moşekan girtin û tenê 3 mûşekan li armancên xwe dan.

Ev nûçe 363 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din