Wezrata Saxlemî ya Îsraîlê ragihand ku hejmara pêketîyên vîrusa korona daketîye bin 1000’î.

Wezîrê Saxlemî yê Îsraîlê Yuli Edelstein dîyar kir ku hejmara nexweşên giran yên vîrusa korona hefteya borî daketîye bin 100’î û bi bîr xist ku ew hejmar di dawîya Rêbendanê de 1200 bûye.

Yuli Edelstein da zanîn ku di rojên dawî de hejmara pêketîyên nû yên vîrusa li bin 100’î dimîne û got ku ew bi kempeyna serketî ya vaksînê hatine vê astê.

Nifûsa Îsraîlê 9 mîlyon e û li wî welatî heta niha 5,4 mîlyon kesan doza yekê ya vaksîna BionTech – Pfizerê û 5,1 mîlyon kesan doza duduyan jî li xwe dane.

Îsraîlê bi kêmbûna pêketinên vîrusa korona re dawî li piranîya sînordakirinan anîye.

Hin karbidestên Îsraîlê dibêjin dibe ku ew di demeke kin de mecbûrîyeta maskeyê ya bo mekanên girtî jî rakin.