• Diyarbakır 23 °C
  • Batman 21 °C
  • Hakkari 11 °C
  • Şırnak 18 °C
  • Ağrı 12 °C

Hevpeymana Navdewletî: YPG wê li herêma Firatê bimîne

Hevpeymana Navdewletî: YPG wê li herêma Firatê bimîne
Hevpeymaniya Navdewletî ya Dijî DAIŞê ku Amerîka pêşengiya wê dike, ragihand ku dê Hêzên Sûriya Demokratîk (HSD/QSD) li herêma Firatê bimîne.

Li gor daxuyaniya hevpeymaniyê ya bo medya rûsî, "Derketina hin yekîneyên HSDê ji herêma Firatê, bi awayekî zelal nîşan da ku çiqas balê ji ser têkoşîna DAIŞê dûr dike."

Di daxuyaniya hevpeymaniyê de hat diyarkiri, dê hêzên HSDê li herêma Firatê bimînin û ji ber wan hêzan DAIŞ asteng û lawaz kiriye, dê bi piştgiriya hevpeymaniyê êrîşên hesas ên ser dijmanan bi wan hêzan bidomînin.

Rayedarên hevpeymaniyê tevlîheviya rewşa Bakurê Sûriyeyê bi bîr xistin û bal kişandin ser ku dê têkoşîna dijî DAIŞê hinekî dirêj bajo, lewra terorîst sivîlan wek mertal bikar tînin û xwe vedişêrin.

Rayedarên hevpeymaniyê di heman daxuyaniyê de, ji ber ewlekariyê nexwestin hejmara hêzên HSDê yên terka herêma Firatê kirine bidin.

Ev nûçe 534 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din