Dîwareke 2,700 salî li Rojhilatê Kurdistanê hat dîtin

Dîwareke 2,700 salî li Rojhilatê Kurdistanê hat dîtin

Li navçeya Serpêl Zehaw a Rojhilatê Kurdistanê dîwareke dîrokî hate dîtin ku dirêjahiya wê 115 km û 2700 salan berî niha hatîye çêkirin.

A+A-

Navenda Nûçeyan- Tîmeke arkolojî û dîroknasiyê ya Îranî ragihand, ku wan li navçeya şûnwarî li Serpêl Zehaw a ser bi parêzgeha Kirmaşanê, dîwareke dîrokî dîtine ku bi keviran hatîye çêkirin.

Bi gotina wê tîmê dirêjahîya wê dîwarê dîrokî 115 km, panatîya wê 4m û bilindahîya wê 3m bûye û di navbera 2400-2700 salan berî niha de hatîye çêkirin.

Li gorî ajansa ISNA ya Îranê, xwendekarê arkolojîyê li Zanîngeha Tehranê, Secad Elî Bêygî wê dawîyê nivîsek li kovara zanistî ya Antiquity belav kirîye ku têde ragihandîye, paşmahîyên wê dîwarê dîrokî li navçeya Serpêl Zehaw hatîye dîtin û ji 1 milyon metrekub keviran pêk tê.

Li gorî zanyarîyan, ew dîwarê dîrokî ji çîyayê Bemo dest pê bike û heta nêzîkî gundê Jawmerg berdewam dibe.

Mebesta sereke ya ji çêkirina wê dîwarê dîrokî  xweparastin bûye ji êrîşên dujminan.

Bi gotina Secad Elî Bêygî, haya arkologan jî ji wê dîwarê tinebû, lê belê xelkê xwecihî ên navçeyê jê re dibêjin Dîwarê Gewre.

Çavkanî: Rûdaw

 

Ev nûçe 111 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin