Serokwezîrê Herêma Kurdistanê Mesrûr Barzanî êrişa li Şamê bi “tundî” şermezar kir.

Doh êvarê (22-06-2025) li Dêra Mar Elyasê ya Şama paytexta Sûriyeyê teqînek çêbû.

Wezareta Tenduristiyê ya Sûriyeyê ragihand ku di vê teqînê de 22 kes mirine û 63 kes jî birîndar bûne.

Wezareta Karên Navxwe ya Sûriyeyê jî da zanîn ku "Terorîstekî DAIŞê ev êriş kiriye."

“Em li dijî her cureyê terorê ne”

Serokwezîr Mesrûr Barzanî bi rêya hesabê xwe yê Xê ev êriş şermezar kir û got:

“Ez êrişa terorî ya Dêra Mar Elyasê ya li Şamê bi tundî şermezar dikim.

Fikr û ramanên min li cem qurbanî, malbatên wan û her kesî ne ku vê êrişê bandor li wan kiriye.

Em alîgirên azadiya baweriyê ne û em li dijî her cureyê terorê ne.”