Navenda Nûçeyan - Li gor agahîyên Rûdawê, navê wî welatîyê Kurd Xalid Mihyedîn Hemo û 55 salî bûye û xelkê herêma Kobanî ya Rojavayê Kurdistanê bûye.

Xalid Mihyedîn Hemo li bajarê Bremenê yê Almanyayê dijîya û dermansaz bû. Li gor zanyarîyan çend roj berî niha ew welatîyê Kurd bi vîrusa COVID-19 ketibû û bo nexweşxaneya Bremen Nord a wî bajarî hatibû veguhastin.

Ew welatîyê Kurd pêr Çarşemê 7ê Nîsanê li nexweşxaneyeke bajarê Bremenê bi vîrusa sedema koronayê jîyana xwe ji dest daye.

Li gor agahîyên Rûdawê, Xalid Mihyedîn Hemo dema 10 rojan bû ku ji ber nexweşketina bi COVID-19 li nexweşîyaneya Bremen Nord a bajarê Biremenê dihate dermankirin.

Xalid Mihyedîn Hemo, ji gundê Zerkotik yê Kobanê bû zewicî bû û bavê 6 zarokan bû û ew 3 sal bûn ku koçberî Almanyayê bûbû.

Birayê wî ji Rûdawê re got, ku pêştir tu nexweşîyên birayê wî tunebûn û nexweşxaneyê ji wan re gotîye, ku ew nikarin wî bibînin û ew dê wî li goristaneke bajarê Bremenê veşêrin.

Li Hewlêr û Silêmanîyê 13 kesên din tüşi Koronayê ketin

Li Hewlêrê ji ber rûdana hatûçûnê 4 kes mirin

Rêveberîya Bendavên Kurdistanê: Gelek bendavên me tije av bûne

Çekdaran li Efrînê endezyarê Kurd Fehmî Ebdo girtin