Xwepêşander hişyarîya destpêkirina proseyeke serkutkirinê didin

Xwepêşander hişyarîya destpêkirina proseyeke serkutkirinê didin

Rolekî girîng ê xetên internetê û torên civakî, di nîşandana rastîya xwepêşandanên Iraqê de heye, ‎xwepêşander di wê bawerîyê de ne ku hikûmet ji bo veşartina binpêkirinan li bajarên naverast û ‎başûrê Iraqê, car car xetên internetê qut dike.

A+A-

Navenda Nûçeyan- Xwepêşander vê pêngavê wek destpêkirina proseya serkutkirinê binav dikin. Ligel daxwaza hikûmetê bo parastina xwepêşanderan, lê hêzên ewlekarîyê pêbendê biryarên hikûmetê nabin û tundûtujîyê li beramber xwepêşanderan bikar tînin.

Xwepêşanderekî Iraqî li Bexdayê dibêje: “Me ji wan re got bi xwedê tiştek li ba me nîne tenê slogan in, li beramberî me rawestîyan û gotin li vê derê rawestin, kom bibin û slogana em birayê we ne bilind bikin, piştre efserek hat got niha li we didin, me wiha dizanî henekan dike û dixwaze me bitirsîne daku vegerin, em rawestîya bûn ji nişka ve bi tivingan li sere me dan, temaşe bike, temaşe bike çi ji dest û lingên min hatine, em jî reviyan û wan jî teqe li me kirin.”

Serokwezîrê Iraqê Adil Ebdulmehdî di gotara xwe ya dawî de got: “Me heta niha ti rêyeke tund li dijî xwepêşandanan nedaye pêşîya xwe û tişta heye berevanîkirin e.” Piştî xwepêşandanên ser Pira Ehrar, du kesên tîmekî pizîşkî wenda bûn, ên ku xwepêşander û çalakvanan digirin, nasnameyên wan nedîyar in. Tenê di bûyera ser Pira Ehrar de, 6 xwepêşander bi guleyan hatin kuştin. Berdevkê Fermandarê Hêzên Çekdar ên Iraqê dibêje: “Divê xwepêşander û dezgahên ragihandinê pêbendê rênmayîyên hikûmet û mercên yasayî bin.

Berdevkê Fermandarê Hêzên Çekdar ên IraqêEbdulkerîm Xelef dîyar kirîye: “Çend rênimayî hatine derxistin ku nabe xwepêşander nêzîkê wan navçeyan bibin, ji ber eger heye hinek kes hebin ketibin nav xwepêşandanan û hewl bidin bi alîyekî din de bibin, azadiya ramanê mafekî destûrî ye, ne tenê li ser cadeyan, lê li hemû dezgahên ragihandinê û kanalên esmanî, lê bi wî mercê pêbendê mercekî bin û hewla derxistina kîn, kuştin û paldanê nedin ji ber ev mijar bi hemû awayekî hatîye redkirin.”

Ev pêngava Iraqê ji alîyê rêxistinên navdewletî ve rûbirûyê rexneyan bûye, daxwaza rakirina kod û bendên li ber bikarhêneran dikin daku bigihin zanyarîyan.

Rêxistina Navdewletî bo Asayişa Elektronî ragihand ku ji destpêka xwepêşandanan ve hikûmeta Iraqê kod û bendên herî tund xistine ser xetên internetê.

Li gor amarên Komisyona Bilind a Mafên Mirovan a Iraqê ji destpêka destpêkirina xwepêşandanên Bexda û parêzgahên din ên Iraqê ve nêzîka 300 kes hatine kuştin û zêdeyî 12 hezar kes jî birîndar bûne.

Çavkanî:Rûdaw

 

Ev nûçe 99 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin