Wezîrê Petrolê yê Îranê: Em pêşwazîyê li kêmkirina berhemanîna petrolê dikin
Wezîrê Petrolê yê Îranê Bijen Zengene derbarê civîna Komîteya Çavdêrîyê ya OPECê de ragihand ku civîn bê encamp bi dawî bûye û nekarîye bibe sedema hevdengîyê li ser kêmkirina asta berhemanîna petrolê.
A+A-
Navenda Nûçeyan- Wezîrê Petrolê yê Îranê Bijen Zengene da zanîn ku herçiqas biryar bû civîna wezîrên petrolê û enerjîyê yên OPECê ji 5 û 6ê meha bê were pêşxistin bo vê mehê lê li ser wê jî hevdengî çênebûye û civîna wezîran her di dema xwe de tê kirin.
Zengene ragihand ku hatîye pêşnîyar kirin rojane 600 hezar bermîl petrol were kêmkirin bo nehiştina bandora vîrûsa koronayê li ser bazara petrolê û got, welatê wî pêşwazîyê li her biryarekê dike bo kêmkirina asta berhemanîna petrolê, eger hemû endamên OPECê li ser hevdeng bûn.
Hefteya derbasbûyî Komîteya Çavdêrîyê ya Hevbeş a welatên endamên OPEC û derveyî OPECê bo dema sê rojan civîyan, lê ji ber nerazîbûna Rûsyayê berhemhênerên petrolê nikarîn bigihin ti rêkeftinekê.
Rûdaw
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin