Di cenazeyê de piştî merasîma olî ewilî kurê wî yê mezin Ednan li ser jiyana bavê xwe hestên xwe anîn ziman û sipasiya beşdaran kir.

Dûvre Bedirxan Epözdemir axivî.

Piştî merasîma li ser mezel, li Otêla Kardelenê şîna wî hat danîn.

Rêveberî, endam û dostên Partiya Azadiya Kurdistanê (PAK) yên Amed, Sêrt, Wan û Mûşê digel Serokê Şaredariya Konukbeklerê ya girêdayî Mûşê Mahmut Subaşı, beşdarî merasîma şînê bûn.

Rêveberî û endamên PAKê gotin: "Em dibêjin cihê wî bihuşta rengîn be. Xwedê wî bi rehm û kerema xwe şad bike. Qebrê wî ronî be. Bila serê malbatê, serê dost û heval û heskiriyên wî sax be. Em sebr û metanetê dixwazin. Ew ê gelê Kurdistanê ti car wî jibîr neke."