• Diyarbakır 15 °C
  • Batman 15 °C
  • Hakkari 11 °C
  • Şırnak 14 °C
  • Ağrı 10 °C

'Wê serbazên me derbasî Minbicê bibin'

'Wê serbazên me derbasî Minbicê bibin'
Hikûmeta Tirkiyê ragihand, ku di rojên pêş de, wê li Minbicê serbazên Tirkiyê û yên Amerîkayê bi awayekî hevbeş kar bikin.

Wezîrê Berevaniya Tirkiyê Nûredîn Canîklî di civîna wezîrên berevaniya welatên endam di Hevpeymaniya NATOyê de, li Bruksela paytexta Belcîka ragihand, ku ew hêvî dikin Nexşeriya Minbicê di zûtirîn dem de, were bicîkirin.

Li gorî nexşeriya di navbera Amerîka û Tirkiyê de, wê serbazên Tirkiyê û Amerîka bi awayekî hevbeş ewlekariya Minbicê biparêzin.

Herwiha Canîklî derbarê operasyonên li dijî PKKê jî axifî û da zanîn ku Qendîl, Şingal û Mexmûr gefan li ser Tirkiyê çêdikin û got: Dema em operasyonekê li dijî wan bikin, em destûrê ji ti aliyekî wernagirin.

Navhatî diyar kir, ku Kampa Mexmûrê di bin çavdêriya Neteweyên Yekgirtî de ye, lê ew bûye hêlîna PKKê. Herwiha li dijî Tirkiyê gefê çêdike. Ji ber vê yekê Mexmûr armanca operasyona me ye.

Ev nûçe 452 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din