Parêzger/Walî:"Di Zagona me ya bingehîn de hatîye mîsoger kirin ku Zimanê me yê fermî tirkî ye û naguhere. Ev karên ku hûn dikin li dijî vê xala zagona me ye."

Eva nêzîkê salekê ye  ku Platforma Zimanê Kurdî-PZK ji bo ku zimanê kurdî bibe zimanê perwerdehîyê û di zagona bingehîn ya Tirkîyê de bibe zimanê fermî dest bi kampnyaya kom kirina îmzayan kirîye. 

Komela Arî-Der ya li Batmanê ji bo berhevkirina Îmzayan di 28.12.2021 de serî li parêzgehîya  Batmanê daye.

Parêzger/Walî yê Batmanê di bersiva xwe de dibêje; ”Di Zagona me ya bingehîn de hatîye misoger kirin ku Zimanê me ya fermî tirkî ye û naguhere, û ev daxwaza we li dijî vê xala destûrê ye". 

Û domandîye, ”ji ber xeterîya nexweşîna pandemîyê, Û ji ber qelebalixîya cîyê -Parka Yilmaz Guney- ku we daxwaz kirîye û ku ji alîyê gelek partî û sazîyên sivîl ve tê bikarhanînê û dîsa, ji ber hinekî grûbên marjînal parastina asayîşa wê herêmê zehmete. Ji bo wî jî em rê nadin vî çalakîya we".

Herwiha, Walî di binê bersiva xwe de jî dibêje; ”yên ku vê çalakîyê bikin emê di heqê wan de dozê vekin”.

RN/Batman