PAKî waşt seba ke wa keyeyê kurdan dersa weçînaye ya kurdkî biweçînê, xeylî qezayanê Batmanî de kuçe û cadeyan de pankartan bialiqno.

Ê parkatan de bi zaravayanê kurmancî û kirmanckî/zazakî û bi tirkî wîna amebi nuştiş:

--Em zarokên xwe di dersa bijarte ya kurdî(Kurdî, Kirmanckî/Zazakî) de qeyd bikin

--Ma tutanê xo dersa weçînayî ya kurdkî(Kurdkî, Kirmanckî/Zazakî) rê qeyd bike

--Çocuklarımızı Kürtçe(Kurmanci, Zazaki) Seçmeli Derse Kaydedelim

Gorê prosedurê yasayî Serekê Teşkîlatê Batmanî (Êlih) yê PAKî Birêz Azîz Ozdemîr roja 20.01.2022 Walîtîya Batmanî rê muracat kerd ke îznê pankartan bêro dayene.

La nameyê Hetkarê Walîyê Batmanî Birêz îbrahîm Guneş ser o roja 24.01.2022 Serekîya Teşkîlatê Batmanî ya PAKî rê mektubêk ame erşawitiş. Mektubî de wîna ame nuştene:’’Gorê qanûnê hûmara 2911î, bajarê ma de cayo ke afîşî û pankartîeşkîyenê bêrê aliqnayîş, her serre yenê îlankerdene. Cayê ke seba serra 2022ameyê tesbît kerdene, Sîteya Înternetî ya Walîtîya ma de ameyê îlan kerdene.

Coka, ê cayê ke şima waştişnameyê xo de waşto, ê cayanê ke walîtîya ma îlan kerdbî nîyê, mama waştişê şima cayê xo de nêdîyo û waştişê şima nêameyo qebûl kerdene’’.

Ê cayê ke Sîteya Înternetî û ya Walîtîya Batmanî de ameyê îlan kerdene, heme zî BÎLBOARD û RAKETê ke bi pereyan eşkîyenê bêrê kira kerdene.

Nê qirarê Walîtîya Batmanî eslê xo de astengî û astengkerdişê azadîya fikrî, azadîya propaganda û xo îfade kerdişî yo.

Heto bîn ra o tarîxo ke PAKî waşto pankartan bialiqno, înan ra 5 cayê ke PAKî waştbi înan ra 2 hebê înan, pankartê tay dezgehê bînan yê bi muhtewaya cîya bi cîya ameybî aliqnayene

Ma vanê, qirarêWalîtîya Batmanî yo ke bi bahaneyê ayî îzin nêdîyayoke PAK pankartanê xo bialiqno, qirarêko neheq o. Walîtîya Batmanî û heme dezgehê resmî derheqê xebatanê dersa weçînayî ya kurdî de gere hîna nêrm hereket bikerdêne û bi her tewir hetkarî bidêne xebatanêwînayîyan.

Ma wazenê wa raya pêroyî derheqê nê qirarêWalîtîya Batmanî de agahdar bibê.

27.01.2022

Buroya Çapemenî û Têkilîye ya PAKî